Conversio est per quam non, ut ante, primum repetimus verbum, sed ad postremum continenter revertimur, hoc modo: 'Poenos populus Romanus iustitia vicit, armis vicit, liberalitate vicit'. Item: 'Ex quo tempore concordia de civitate sublata est, libertas sublata est, fides sublata est, amicitia sublata est, res publica sublata est'. [...] Item: 'Nam cum istos ut absolvant te rogas, ut peiurent rogas, ut existimationem neglegant rogas, ut leges populi Romani tuae libidini largiantur rogas'.
[ES]
[EN]