Te miseriae, te aerumnae premunt omnes, qui te beatum, qui florentem putas; tuae libidines te torquent, tu dies noctesque cruciaris, cui nec sat est, quod est, et id ipsum ne non diuturnum sit futurum times; te conscientiae stimulant maleficiorum tuorum, te metus exanimant iudiciorum atque legum; quocumque aspexisti, ut Furiae sic tuae tibi occurrunt iniuriae, quae te respirare libere non sinunt.
[ES]
[EN]