Repetitio est cum continenter ab uno atque eodem verbo in rebus similibus et diversis principia sumuntur, hoc modo: "Vobis istuc adtribuendum est, vobis gratia est habenda, vobis ista res erit honori". [...] Item: "Tu in forum prodire, tu lucem conspicere, tu in horum conspectum venire conaris? Audes verbum facere? audes quidquam ab istis petere? audes supplicium deprecari? Quid est quod possis defendere? quid est quod audeas postulare? quid est quod tibi concedi putes oportere? Non ius iurandum reliquisti? non amicos prodidisti? non parenti manus adtulisti? non denique in omni dedecore volutatus es?".
[ES]
[EN]